Arbana Xharra: Më shumë kam pasur unë takime në SHBA se sa presidentja e kryeministri

Gazetarja Arbana Xharra ka komentuar vizitat e Presidentes Vjosa Osmani dhe kryeministrit Albin Kurti në Shtetet e Bashkuara të Amerikës.

Ajo ka thënë se më shumë ka zhvilluar takime ajo si gazetare sesa Osmani e Kurti që janë në krye të institucioneve.

Madje, ka thënë se ka pasur audienca disaorëshe, e “jo duke ua zënë udhën korridoreve njerëzve nëpër varrime”, duke aluduar kështu për takimin e Osmanit dhe Kurtit me Sekretarin amerikan të Shtetit, Antony Blinken dhe ish-presidentin Bill Cliton dhe ish-sekretaren Hillary Clinton.

Sipas saj, ka një “arsye aktuale” pse nuk po u mundësohen takime Kurtit e Osmanit.

“Pa modesti: Gjersa punoja si gazetare në Kosovë dhe poaq tash sa jam në Amerikë kam pasë proporcionalisht shumë më shumë takime me personalitete e institucione se sa kryeministri dhe presidentja aktuale. Takime, jo duke ua zënë udhën korridoreve njerëzve nëpër varrime, por audienca disaorëshe. Tash pyetja pse nuk u bëhet e mundur një gjë e tillë, sidomos kur kemi parasysh se amerikanët Kosovën e konsiderojnë projekt të vetin. Nuk besoj se administrata amerikane hakmerret për kohën gjersa këta ishin në opozitë. Diçka aktuale është arsyeja. Çka nuk u pëlqen SHBA-ve në zhvillimet politike aktuale në Kosovë? Një vetanalizë nuk do t’i bënte keq këtij pushteti. Pse nuk jeni të denjë? Çka ndodhi?”, ka shkruar Xharra.

Be the first to comment on "Arbana Xharra: Më shumë kam pasur unë takime në SHBA se sa presidentja e kryeministri"

Leave a comment

Your email address will not be published.


*