Beatrix Ramosaj publikon mesazhet e një ndjekëse në Instagram, paralajmëron padi ndaj saj

Këngëtarja shqiptare, Beatrix Ramosaj prej muajsh ka qenë në qendër të vëmendjes, pjesëmarrja e saj në Big Brother VIP dhe romanca jetëshkurtër me aktorin, Donald Veshaj ka bërë që ajo të komentohet vazhdimisht.

Lidhja e saj me Donaldin nuk u prit mirë pasi ky i fundit kishte një tjetër marrëdhënie të komplikuar me prezantuesen, Bora Zemani.

E gjithë kjo situatë ka bërë që Beatrix të marrë edhe shumë komente negative në rrjetet sociale madje edhe të bullizohet.

Përmes një video, ditë më parë Beatrix bëri thirrje që ndalet ofendimi si ndaj saj ashtu edhe ndaj secilit që përballet me të njëjtën situatë.

Por, sot Beatrix ka publikuar mesazhet që ka pranuar nga ndjekës në llogarinë e saj në Instagram, të cilat ishin negative, e që bëri që këngëtarja ka paralajmëruara padi ndaj saj.

“Zgjohem pothuajse çdo mëngjes me mesazhe të tilla nga zonja e nderuar Alexa, dua t’i them që shpresoj një ditë Zoti t’ja pastrojë zemrën edhe mllefin që ka, sepse duke e shfryrë tek unë nuk e ndihmon aspak dhe nuk përcjell një mesazh të mirë tek familja juaj.

E nëse dikush do të ndjek çështje gjyqësore ndaj dikujt, jam unë ndaj teje e dashur, ditë të mbarë”. ka shkruar Beatrix sipër postimit.

Ndryshe, sa i përket karrierës, pas këngës së fundit “Ma shumë se ti” që e solli në bashkëpunim me DJ Geek, Ramosaj ka zbuluar se shumë shpejt do të lansoj disa projekte të reja muzikore. /Telegrafi/

Be the first to comment on "Beatrix Ramosaj publikon mesazhet e një ndjekëse në Instagram, paralajmëron padi ndaj saj"

Leave a comment

Your email address will not be published.


*