Ndodh vetëm në Kosovë: Lirohet në arrest shtëpiak i dyshuari për aksidentin ku vdiqën 5 persona




I dyshuari që shkaktoi aksidentin tragjik në Ferizaj, në qershor të këtij viti, ku humbën jetën 5 persona, i është ndryshuar masa e sigurisë.

Me kërkesë të Prokurorisë në Ferizaj, Gjykata të njëjtin e ka liruar nga paraburgimi dhe ndaj tij është caktuar masa e arrestit shtëpiak prej një muaji.

E.M., dyshohet se më 6 qershor, rreth orës 15:37, në rrugën magjistrale Ferizaj-Shtime, saktësisht në fshatin Koshare, komuna Ferizaj, duke drejtuar automjetin e markës “Audi A8”, me të arritur përballë firmës “LS Qeramika” nga pakujdesia, ka vepruar në kundërshtim me ligjin për rregullat e trafikut rrugor.

I njëjti duke mos përshtatur shpejtësinë, kishte kaluar vijën e plotë të rrugës dhe ka goditur veturën ‘Golf II”, e cila po lëvizte nga drejtimi i kundërt.

Be the first to comment on "Ndodh vetëm në Kosovë: Lirohet në arrest shtëpiak i dyshuari për aksidentin ku vdiqën 5 persona"

Leave a comment

Your email address will not be published.


*